Ariana Grande: Do të kthehem sërish në Manchester

21:20 | 27 Maj 2017
Arbresh.info

Këngëtarja e famshme amerikane, Ariana Grande, ka deklaruar se do të kthehet serish në qytetin e Manchesterit për të zhvilluar një koncert bamirësie për familjet e viktimave të sulmit terrorist në “Manchester Arena”.

“Unë do të rikthehem në qytetin e guximshëm të Manchesterit, për të kaluar kohë me fansat e mi si dhe do të zhvilloj një koncert bamirësie në nder  dhe për të mbledhur fonde për familjet e viktimave”, shkruan këngëtarja në një letër të hapur në llogarinë e saj zyrtare në rrjetin social Twitter.

“Ata janë në zemrën dhe mendjen time çdo ditë, prandaj unë do të bëj gjithçka për ta”, shkruan Grande, duke  shtuar se sapo të konfirmohet vendi se ku do të zhvillohet ky koncert do të bëhen të ditura të gjitha detajet.

Sulmi terrorist në “Manchester Arena”, ndodhi vetëm pak minuta pas përfundimit të konceritit të Ariana Grandes, ku kamikazi 22 vjeçar shkaktoi 22 viktima dhe plagosi 59 të tjerë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm